Product Summery

Гуноҳга қўл урай деганингда олдингдан бир майитни кўтариб ўтишади. Ичингдан титраб жойингда қотасан. Босар-тусарингни билмай қолганингда бир касалликка гирифтор бўласану ўзингга келасан. Инсонларга ҳаддан зиёд суяниб юборганингда улар сенга хиёнат қилишади, кейин ақлинг киради. Гоҳида гуноҳларинг туфайли ғамга ботиб қоласан. Аллоҳнинг раҳмати кенг экани ҳақида бир оят эшитасан ва у қалбингга малҳам бўлади. Бошинг қотиб турганда мушкулингга ечим бўладиган ҳадис эшитасан. Унга амал қиласану ишларинг ўз йўлига тушиб кетганини кўрасан. Буларнинг бари Аллоҳнинг сенга йўллаган мактубларидир. Ушбу «Қуръондан мактублар» номли китобим Аллоҳ бизни Ўзига қайтариш учун доим мактублар йўллаб туришига ишонган ҳар бир мусулмонга бағишланади.