Product Summery

Ўзининг мўъжиза Китоби бўлган Қуръони Каримни илмларга асос қилган ва Қуръони Каримга хос илмларни жорий қилган Аллоҳ субҳанаҳу ва таолога битмас-туганмас ҳамду санолар бўлсин! Қуръони Каримни Роббидан қабул қилиб, умматга омонат билан етказган ва Қуръон илмларига асос солган Расулуллоҳ соллаллоҳу алайҳи васалламга мукаммал ва батами м салавоту саломлар бўлсин! Аммо баъд: камина ходимингиз араб тилида «Улуми Қуръон» деб аталмиш илм билан бошка исломий илмларга қараганда кейинроқ танишдим. Чунки бизнинг илмий даргоҳларимизда мазкур илм ҳақида ҳатто қисқа хабар тариқасида ҳам маълумот берилмас эди. Эндиликда «Улуми Қуръон» бўйича ҳам бу илмнинг асослари ва қоидаларига амал килган ҳолда алоҳида китоб битишга азму қарор пайдо бўлди. Қўлимизда мавжуд бўлган манбалардан фойдаланиб, бир китоб таълиф қилишга ожизона қўл урдик. Ушбу қўлингиздаги дастур ушбу «Қуръон илмлари» номли китобга ёзилган аудио дастурдир. Аллоҳ таоло барча ишларимиз қатори, бу ишга ҳам Ўзи ёрдамчи бўлсин! Зотан, У Зотдан ўзга ёрдамчи йўк! У Зот кандай ҳам яхши Хожа ва қандай ҳам яхши Ёрдамчи! Шайх Мухаммад Содиқ Муҳаммад Юсуф