Product Summery

Aksar taniqli yozuvchilarning ijodi o'zining rang-barangligi bilan ajralib turadi. Ular turli janrlarda, zamonaviy va tarixiy mavzularda, bolalar va kattalar uchun, turli xil uslublarda (izchil realistik, romantik, fantastik, sarguzasht va boshqalar) ijod etadilar. Pirimqul Qodirov asarlari ham mana shu yo'nalishdan mustasno emas. U uzoq yillar davomida izchil realistik uslubda ijod etdi va asosan, kattalar uchun asarlar yozdi. Taxminan, so'nggi o'n yillikda uning ijodida yangi qirralar ko'rinish bera boshladi. U kichik yoshdagi bolalarga bag'ishlangan bir qator asarlar e'lon qildi, sarguzashtlar yo'nalishidagi kitoblari bosilib chiqdi, hatto qissalaridan birini "Akramning sarguzashtlari" deb atadi. Bu qissani o'qir ekansiz, beixtiyor bolalik davringizga sayohat qilasiz. Shuningdek, ushbu kitobdan adibning yana bir necha qissa va hikoyalri o'rin olgan. Marhamat, zavq bilan o'qing!