product summery

Xilma-xil janrlarda ijod qiluvchi adib sifatida tanilgan Anvar Obidjon bolalar uchun ham, kattalar uchun ham qator qissalar, she’rlar, dostonlar, hikoyalar, pyesalar bitgan. Anvar Obidjonning dramaturgiyadagi faoliyati bolalarga atalgan “Qo‘ng‘iroqli yolg‘onchi” nomli komediyasi 1983 yilda Toshkent Yosh tomoshabinlar teatrida sahnalashtirilishidan boshlandi. Shundan e’tiboran ushbu teatrda hamda Farg‘ona, Qarshi, Qo‘qon, Guliston teatrlarida uning “Pahlavonning o‘g‘irlanishi”, “Topsang – hay-hay” («Qorinbotir)», Samozvanets” (“Qo‘ng‘iroqli yolg‘onchi”ning ruschasi), “Navro‘z va Boychechak”, «To‘tiqul», «Alamazon», «Meshpolvon» kabi pyesalari qo‘yildi. «O‘zbekfilm» kinostudiyasida bu adib ssenariylari asosida “Tilsimoy – g‘aroyib qizaloq”, “Dahshatli Meshpolvon” komediyalari kino tasmasiga tushirilgan. Ushbu taqdim etilayotgan "Alamazon va uning piyodalari" kitobi esa ona yurtning jasur farzandlariga bag‘ishlangan..