Product Summery

Дарҳақиқат, Қуръони Каримдаги Кафирун, Ихлос, Фалақ ва Нас суралари «қул» калимаси билан бошланади. Шунинг учун ҳам кўпгина кишилар бу сураларни қисқача «Чор қул», деб аташади. «Қул» калимаси арабчада айт, деган маънони билдиради. Яъни, Аллоҳ таоло Пайғамбаримиз соллаллоҳу алайҳи ва салламга ҳар суранинг биринчи ояти бошида: (Эй Муҳаммад) «Айт», дея хитоб қилади. Ушбу китобда ана шу сураларнинг нозил қилиниш тарихлари, жойлари, маънолари, сабаблари, тафсирлари, фазилатлари ҳақида имкон қадар ҳадислар ва ривоятлар тўпланган. Китоб сиз азиз китобхонларга манзур бўлади деган умиддамиз.