Product Summery

Ёзувчи Аҳмад Муҳаммад Турсуннинг «Ҳилол-нашр» нашриёти томонидан тақдим этилган «Сиз қандай яшамоқчисиз?» китоби ўқувчилар томонидан катта қизиқиш билан кутиб олиндива бир неча марта кўп нусхада нашр этилди. Шундан сўнг мухлис ўқувчилардан муаллифга «Бу асар ҳозирда яшашни ўргатувчи китоб бўлибди, қанийди ўтмишда ҳаёт кечирган улуғ аждодларимизнинг ҳаётлари, қай тарзда яшаганлари, ахлоқ ва фазилат бобида нималарга эътибор берганлари ҳақида бир китоб ёзилсайди, аввалгисини тўлдирувчи асар бўларди» маъносидаги таклиф-мулоҳазалар туша бошлади. Ана шу таклифларни инобатга олган ёзувчи олдинги китобини моҳият ва мазмун жиҳатидан тўлдирувчи ушбу янги асарини сиз азизларга тақдим этмоқда. Унда илгари яшаб ўтган улуғ олимлар, донишмандлар, солиҳ аждодларнинг ибрат бўлувчи ҳаёт тарзлари, гўзал фазилатлари ва ахлоқ-одоблари ҳақидаги ажойиб ҳикоят ва ривоятлар асосида бугунги замондошларимиз учун ўта муҳим бўлган тарбия соҳасида нималарга эътибор бериш кераклиги ҳақидаги фикр-мулоҳазалар ўрин олган. Уларни ўқинг, ибрат олинг, улуғларга ўхшашга интилинг. Солиҳ инсонларнинг ҳаёт йўллари ва фазилатларидан ўрнак олиб, ўз ҳаётингизни шу асосда зийнатланг.