Product Summery

Имом Исмоил ал-Бухорий - таниқли мухаддис олим, ҳадис илмининг султони. Ҳадис илмига ўзининг ақл-заковатини бахшида этиши, ислом дунёсининг энг буюк алломаларидан бири сифатида танилишида катта ҳисса қўшди. Ҳадис илмида амир ал-мўминин деган шарафли номга сазовор бўлган буюк ватандошимиз Имом ал-Бухорийнинг ҳаёти ва илмий фаолиятига бағишланган кўплаб илмий-оммабоп ва адабий-маърифий асарлар яратилган. Шу асарлар орасида шайх Абдуссалом ал-Муборакфурийнинг мазкур асари ўз мазмун-моҳияти ва қамрови кенглиги билан алоҳида ажралиб туради. Шу билан бирга, китоб муаллифининг буюк муҳаддис бобомизга ҳурмати ва самимий меҳр-муҳаббати ҳам бўлакча. Асар кенг китобхонлар оммасига мўлжалланган. Имом ал-Бухорийнинг беназир қобилият соҳиби эканликлари болалик чоғларидаёқ , улкиши бошланғич мактабда таҳсил кўраётган кезлардаёқ маълум бўлган.