Product Summery

Пайғамбаримиз Муҳаммад Соллаллоҳу алайҳи васаллам ҳаёти энг улуғ ва энг ибратли тарихдир. У зот алайхиссаломнинг олтмиш уч йиллик ҳаётлари давомида то қиёматгача келадиган инсоният учун буюк дастуриламал бўлди. Пайғамбаримизнинг пайғамбарликкача бўлган ҳаётлари умрларининг 40 йилини ўз ичига олган эди. Исломга даъват бошланмаган бу даврни "жоҳилият даври", дейдилар. Не ажабки, Пайғамбаримиз Соллаллоҳу алайҳи васаллам ана шу жоҳилият даврида ҳам инсонийликнинг олий намунаси эдилар. Бутларга ҳамма сиғинадиган бир замонда Пайғамбаримиз Соллаллоҳу алайҳи васаллам бирор марта бутга сиғинмаганлар. Абу Толиб маккаликларнинг катта бир бутига сиғинишга Пайғамбаримизни ундаганда у зот: "Асло сиғинмайман", деганлар. Дарҳақиқат, қўлингиздаги ушбу китоб Расулуллоҳ Соллаллоҳу алайҳи васалламнинг босиб ўтган ана шу ибратли ҳаёти ҳақида ҳикоя қилади.