Product Summery

МЕН, ЭРКАК СИФАТИДА МЕН Аллоҳ таоло инсонни Ер юзида Ўзига ўринбосар қилиб яратди. Бунинг учун фаришталарини ишга солди. Фаришталар инсоннинг Ер юзида халифа бўлиш ғоясини тушунмай сўрашди: «Ер юзида бузғунчилик қиладиган, қон тўкадиган кимсани халифа қиласанми? Ҳолбуки, биз Сени ҳамдинг ила поклаб ёд этиб, Сени муқаддаслаб турибмиз-ку!» Бунга жавобан Раббимиз: «Мен сизлар билмайдиган нарсаларни биламан», деди. Одамни яратди. Кейин Одамга барча нарсаларнинг номини ўргатди. Сўнг фаришталардан ўша нарсаларнинг номини сўради. Улар жавоб бера олмай, «Ўзинг поксан! Бизда Сен ўргатгандан бошқа илм йўқ. Билгувчи, Ҳаким Зот Ўзингсан!» деб, хатоларини тушуниб етишди. Одам алайҳиссалом эса Аллоҳ таоло ўргатган нарсаларнинг номини бирма-бир айтиб берди. Фаришталар Одамга қойил қолишди.