Product Summery

МУҚАДДИМА Янги туғилган чақалоқни ҳидлаб кўрганмисиз? Ўзига хос ва ширин ҳиди жаннатдан узиб олинган гулга ўхшайди. Болаларимиз жаннатдан олиниб уйимизнинг тўрисига ўткизилган жаннат гулидир. Замон ирмоғи оқар экан, болалар ҳам улғаяди. Улар улғайгани сайин муаммолари ҳам кўпаяди. Агар бу жаннат гуллари катта бўлиб уйимизни жаҳаннамга айлантираётган бўлса, бу ҳаммамизнинг муаммомиз. Ислом фитратида туғилган бола Ислом фитратида қолмаётган бўлса, диндан узоқлашган болани эмас, уларни тарбиялаган муҳитни саволга (сўроққа) тутамиз. Жаннат гулини илк ҳидлаган онани саволга тутамиз. Жаннат гулини энг кўп ҳидлаган отани саволга тутамиз. Жаннат гули куртак вақтида соатлаб дарс ўтган ўқитувчини саволга тутамиз. Соғлом кўз билан туғилиб кейин кўр бўлган, соғлом қулоқ билан туғилиб кейин кар бўлган боланинг яратилишини эмас, тарбиясини саволга тутамиз.