Product Summery

Ushbu variantlar to‘plamidan umumta’lim maktablari, ixtisoslashtirilgan davlat umumta’lim maktablari, akademik litsey va kasb-hunarga o‘rgatish texnikumlari o‘quvchilari ham foydalanishi mumkin. Eng asosiysi o‘quv markazlarida va mustaqil shug‘ullanuvchilar uchun matematikaning barcha bo‘limlaridan testlar keltirilgan. To‘plam bilimni baholash agentligi standartidagi 10 talik variantlarini o‘z ichiga olgan. O‘quvchilar tomonidan «Majburiy matematika fani tarkibida geometriya fanidan test topshiriqlari bo‘ladimi?» degan savol bor. Matematika fanini geometriyasiz tasavvur qilib bo‘lmaydi. Majburiy matematika fanidan test topshiriqlari geometriya fanining davlat ta’lim standarti va o‘quv dasturlarida (7–11-sinflar uchun) berilgan mavzulardan shakllantirilmaydi. Lekin matematika fani davlat ta’lim standarti va o‘quv dasturida (5–6-sinflar uchun) berilgan geometrik materiallardan foydalaniladi va test topshiriqlari shakllantiriladi. Jumladan, bular quyidagi mavzular doirasida bo‘ladi: Burchak. To‘g‘ri, o‘tkir, o‘tmas va yoyiq burchaklar. Uchburchak, uning perimetri va turlari. Yuzalar. To‘g‘ri to‘rtburchak va kvadrat yuzi. Yuza o‘lchov birliklari. Aylana va doira Aylana uzunligi va doira yuzi. Uchburchakning yuzi. Katakli qog‘ozda yuzalarni hisoblash. To‘g‘ri burchakli parallelepiped va kub. Hajm. Hajm o‘lchov birliklari. To‘g‘ri burchakli parallelepiped va kub hajmi formulalari.