Quyosh hali botmagan (qissa va hikoyalar) (А5, yumshoq) 192 bet

Tavsif

“Quyosh hali botmagan” qissasida adib yoshlarning turfa sarguzashtlari, hayot so‘qmoqlarida duch kelgan sinovlari, jasorat, mardlik va muhabbat mojarolaridan hikoya qiladi. Asar keng kitobxonlar hamda o‘smir-yoshlar ommasiga mo‘ljallangan. Luqmon Bo`rixon turli mavzularda qalam tebratgan yozuvchilar sirasiga kiradi. “Quyosh hali botmagan” qissasi pokiza his-tuyg`ular qurshovidagi yosh yigitlar hayotidan hikoya qilinib, voqealar o`zbek polvonlik san`ati bilan qorishtirib tasvirlanadi. O`ziga xos ifoda yo`sini, qahramonlar o`rtasidagi konflikt va kutilmagan yechim qissaning badiiy qimmatini yanada oshiradi. Qissada roviy vazifasini Norsoat bajaradi. Voqealar rivoji Absal polvon obrazi ta`kidi bilan davom etadi. “Biz Absal polvonni hali tanimas edik” (qahramonlarning yoshlik davri), “Biz Absal polvondan uzoqlashgan edik” (o`rta maktab davri), Biz Absal polvonni unutgan edik” (ayni o`smirlik davri, shu vaqtda qissadagi konflikt namoyon bo`ladi), “Biz Absal polvonni mangu yo`qotib qo`ydik” (yechim). Ayni mana shu ta`kidlar ham asarning ifodaviyligini oshirgan.