product summery

Ассалому алайкум онажоним, Бу мен, фарзандингизман. «Ким эканлигингни шундоқ ҳам биламан» деманг, чунки биз ҳали ҳануз яқиндан танишмиз, деб ўйламайман. Менимча, мени таниш учун етарлича ҳаракат қилмадингиз? Агар бир-биримизни таниганимизда, йиғлаган, ўжарлик қилган, қўрқиб жаҳл қилган пайтимда сизга ниманидир тушунтиришга уринаётганимни сезган бўлардингиз. Сиз менинг ҳаракатларимга эмас, балки уларнинг асл сабабига эътибор қаратган бўлардингиз. Шунда «у мени хафа қилиш учун шундай қиляпти», «фақатгина мени ғашимга тегмоқчи бўляпти», деб ўйламаган бўлардингиз. Менинг ҳар бир ҳатти-ҳаракатимнинг ортида маълум бир эҳтиёж борлигини ҳис қилардингиз. Мана бугун сиз билан танишиш истагида ушбу китобни қўлларингизга тутқазяпман... Мени таниганингиздан сўнг севгингиз ортишини ҳис қиляпман. Келажак сари қадам қўйганимда қўллаб-қувватлашингизни, қўлимдан тутишингизни, ҳаётим йўлларини сиз билан биргаликда босиб ўтишни истаяпман. Сизни бор фазилатларингиз, камчиликларингиз билан жуда-жуда яхши кўраман..