product summery

“Хужжатуп Ислом” унвони билан шарафланган атоқли мутафаккир олим Имом Абу Хомид Ғаззолийнинг кўп жилдлик "Ихёу улумиддин"асари инсоният маънавий хазинасини бойитган шоҳ асарлардан саналади. Бу китобнинг аҳамияти шунчалик беқиёски, жуда кўп таниқли олимлар унга ўнлаб шарҳлар, мухтасарлар (кисқартмалар) ёзишган. Имом Ахмад ибн Қудома Мақсидийнинг қўлингиздаги “Минҳожул қосидин" (Саодат изловчиларга қўлланма) китоби "Иҳё" мухтасарларининг мухтасаридир. Унда “Иҳё"дай мураккаб ва кенг қамровли асарни ўқиб ўрганишни осонлаштириш мақсадида энг мўьтабар нуқталар, муаллиф фикрларининг қаймоғи, айтилмоқчи бўлган нодир иборалар жамланган. Юксак махорат ва чуқур илмий салоҳият билан ёзилган "Иҳё" нинг энг гўзал қискартмаси бўлмиш бу асар ўқувчиларчинг қалб ва нафсга оид ҳикматларни чуқур англашлари, руҳий ва маънавий сабоқ олишларида кўп хизмат қилиши шубхасиздир..