product summery

Jahon tarixidagi buyuk siymolardan biri, Markaziy Osiyo xalqlarining iqtisodiy, siyosiy va maʼnaviy taraqqiyotiga ulkan hissa qoʻshgan davlat arbobi va sarkarda, fan va madaniyat homiysi Amir Temurning hayoti va joʻshqin faoliyati , moʻgʻullar istilosi asoratidan Vatanni ozod etib, markazlashgan qudratli davlatni tiklashi, harbiy yurishlari va nihoyat, bu favqulodda isteʼdodli inson shaxsiyatidagi ziddiyatlar tafsiloti hammani qiziqtiradi. Bu borada hali Amir Temur hayotligidayoq voqealar shohidlari tomonidan yozilgan asarlar tarixiy manba sifatida muhim ahamiyatga molikdir. Ulardan biri Nizomiddin Shomiyning “Zafarnoma” sidir. Shomiy Temur hayotini puxta bilgan, uning sarkardaligi va davlatchilik qobiliyati, diniy va dunyoviy fanlarga muhabbati haqida mustaqil tushunchaga ega boʻlgan. Shu sababli u voqealarni haqqoniy yoritgan va Temur faoliyatiga xolisona baho berishga harakat qilgan..