product summery

Ushbu kitob AQSHda yashab ijod etgan ingliz adibi Teodor Drayzer (1871-1945) qalamiga mansub. Ushbu romanni oʻzbek tiliga rus tili orqali Erkin Nosirov “Baxtiqaro Kerri” nomi ostida tarjima qilgan. Ushbu kitob ilk bor oʻzbek tilida 1973-yilda chop etilgan.. Bu davrdagi nashrida ayrim soʻz va jumlalarning maʼnosi izohlanmagan yoki ruscha soʻzlar, yoki baynalmilal jumlalar orqali berilgan edi. Bu holat bilan biz tarjimonlarni yoki oʻsha davr nashriyoti xodimlarini kamsitish fikridan yiroqmiz. Faqat hozirgi davr kitobxonlarining talab va iltimoslariga asosan asar tarjimasiga qoʻshimcha izoh-u iqtiboslar kiritildi, ruscha yoki baynalmilal soʻzlar, imkoni boricha, oʻzbekchalashtirildi, boblar raqami tuzatildi va mundarija qoʻyildi. Shuningdek, hozirgi oʻzbek adabiy tili qoidalari asosida qayta tahrirlandi. “Baxtiqaro Kerri” asari- jahon adabiyotining oʻlmas durdonalaridan biri hisoblanadi! Ushbu asar vatanimizda ham bir necha bor qayta chop etilgan. Chunki har doim bu kitobga talab katta boʻlgan..