product summery

Ишонмасангиз, сизга айтиб бера олмайман. Ахир муҳаббат ишонишдан бошланади. Ишқу муҳаббат йўлига қўлимда бир атиргул новдаси билан кириб келавердим. Савол бермадим ҳам, ишқу муҳаббат дея нола айладим. Зоҳиду дарвешлар қирқ кунда тамомлайдиган чиллани қирқ йилда тугатдим. Қирқ йилда қирқта мафтункор калимани қўлга киритдим ва “Ишқу муҳаббат илми” қўлимга келиб тушди. Сукут нима эканини тушундим, лекин жим тура олмадим. Балки, жим турганимда, ишқу муҳаббат мени тарк этиб ҳам кетар эди. Шу сабабли йўлга равона бўлдим, кейин: — Ишқу муҳаббат йўл юрмоқдир, — деб айтдим, шундай деб билдим ва шунга ишонч ҳосил қилдим. Сукут қилишни мўлжал қилдим, лекин сўзлар шунчалар мафтункор эдики, уларни увол қилгим келмади. “Ишқу муҳаббат илми” умримнинг хулосасидир. Ишқ эса азалдан баданимга битилган ғунчадир. Бу китоб ишқу муҳаббатни тушунадиганларнинг қўлида, ишқу муҳаббатни тараннум айлаганларнинг тилида йилларни лаҳзага айлантирсин..