product summery

Ingliz adibasi Virjiniya Vulfning “Shaxsiy xona” esse-qissasi 1929-yilda nashr qilingan. Asarda u ayollar shaxsiy fikrini, o‘zligini erkin ifoda etolmasligi sabablarini ijtimoiy, tarixiy ko‘lamda o‘rganadi. Adibaning fikricha, ayollarda iste’dod bor, ammo sharoit va imkoniyat yetishmaydi. Agar ularda imkoniyat, mablag‘ va erkinlik bo‘lsa, o‘zlarini to‘la namoyon etishlari mumkin. Vulf o‘zidan avvalgi adibalar – Jeyn Ostin, opa-singil Brontelar, Jorj Eliot kabi ijodkorlarning asarlariga to‘xtaladi, ular yashagan davr muhitini tahlil qiladi. Mazkur esse-qissa nafaqat adabiyotda, balki hayotda o‘rnini topib, muvaffaqiyatga erishmoqchi bo‘lgan insonlar uchun yozilgan, ayol va ijod masalasi chuqur, yuksak badiiyatda qalamga olingan mashhur asar sifatida sizni qiziqtirishiga ishonamiz. Asar “Jahon adabiyoti” jurnali tahririyati bilan hamkorlikda nashrga tayyorlandi. .