product summery

- Нега ҳаммаси чаппа кетди, Георг, нега? Чунки бизни алдашди, шундай алдашдики, бу ёлғонларнинг мағзини ҳалигача чақолмаяпмиз! Бизни сотишди, лаққа туширишди. Ватан, дея кулоғимизга қуйишди, аслида эса очкўз саноатнинг босқинчилик режаларини назарда тутишган экан; шон-шараф, дейишди, бунинг тагида эса бир сиқим дипломат ва князларнинг ҳокимиятга ташналигию бир-бирини ғажиши ётган экан; миллат, деб айюҳаннос солишди, аслида эса бекорчихўжа жаноби генералларнинг қўли қичиб қолган экан. *** Бутун бошли авлод қирилиб кетди! Бутун бошли орзу-умид, ишонч, куч-қудрат, иқтидор авлоди алдовларга берилиб, ўзини ўзи чоҳга ташлади. Ваҳоланки, бутун дунёдаги мана шу авлоднинг мақсади бир эди! *** Эҳтимол, ҳеч ким бировнинг азоб-уқубатларини охиригача ҳис этмагани учун ҳам номинг ўчгур уруш такрор-такрор қайталанаверар..